Utın bazarı muzeyı – soñğı ğasırnıñ iñ yaxşı 25 muzeyı arasında

Muzeynıñ êlemtä direktorı Bängü Kırkız Ärgüvän Amerika Quşma Ştatlarında 1902nçe yıldan birle näşer itelüçe abruylı jurnal tarafınnan qıymmätle häm däräcäle urında kürenüdän şat buluların citkerde.

Ärgüvän: "Häm muzeynıñ häm dä ilebezneñ çit illärdä tağın da kübräk telgä alınuı cähätennän bik şatlıqlı xäbär”, - dip äytte.

Ğosmanlı gömbäz miğmarise, tradiśion yapon arxitekturası belän Utın bazarı grajdan miğmarisennän ilhamlanıp tanılğan yapon arxitektura ofisı "Kengo Kuma and Associates" tarafınnan proyektlanğan Utın bazarı zamanca muzeyı 4 meñ 500 kvadrat metrlıq mäydanda urnaşqan.

Muzey monnan alda da Törkiyä mädäniyät häm turizm ministrlığı tarafınnan birelgän maxsus büläk belän 2021nçe yılda Angliyada Awrupa muzey forumı oyıştırğan "Awrupa yılnıñ muzeyı büläkläre” qısalarında maxsus täq’dir bülägenä dä layıq bulğan ide.