Urlanğan tarixi äsärlär kire qayttı
Qayçandır urlanğan tarixi qıymmätlär Törkiyägä kire tapşırıldı
Anadoludan çit illärgä urlanğan 21 äsär Törkiyägä kire qaytarıldı. Mädäniyät häm turizm ministrlığınıñ êşçänlege qısalarında bıyıl berençe tarixi qıymmätlärne ilgä tapşıru täêmin itelde.
Amerika Quşma Ştatları çik buyı häm saq byurosı 2010nçı yılda Rim çorına qarawçı älege 21 äsärne qulğa töşerä. Terrakota çülmäklär xoquqıy prośess tögällängännän soñ Törkiyägä kiterelde.
Mädäni qıymmätlär häm muzeylar ğomum idaräseneñ çit ilgä kontrabanda belän köräş bülege mödire Burcu Özdemir äytkänçä, belgeçlärneñ xisabı häm küzätep baruı näticäsendä äsärlärne qaytaruğa ireşälär. Ul tarixi êksponatlarnıñ Rim çorına qarawçı cirle awıl ısulı belän balçıqtan yasalğan sawıtlar buluın belderde.
“Tabıldıqlar yaxşı xäldä. Alarnı tikşerü öçen başqala Änkaradağı Anadolu mädäniyätläre muzeyına tapşırdıq,”-dide Burcu Özdemir.
Bäyläneşle xäbärlär
26nçı aprel' - Tuqayıbız tuğan kön
Bu könne Tatarstan xalqı häm, ğomumän, böten tatar dönyası Tuğan tel könen bäyräm itä
