Änkarada videoxäbärçelär büläklände
25nçe Zoom xalıqara xäbär videoları konkursında ciñüçelär bilgele buldı
Zoom xalıqara xäbär videoları konkursında Törkiyä radiotelevideniye kompaniyäse berniçä büläk aldı. Çaranı Törkiyä xäbär videooperatorları cämğıyäte 25nçe tapqır oyıştıra. Büläkläw tantanası başqala Änkarada uzdı. Anda 5 ildän 95 xäbär häm dokumental’ video bäyälände. Alarğa 9 kategoriyädä büläk tapşırıldı.
Maxsus xäbär kategoriyäsendä ciñüçelärgä büläklärne Törkiyä radiotelevideniye kompaniyäse TRT ğomum mödire Mäxmät Zahit Sobacı tapşırdı.
Seriyäle xäbär kategoriyäsendä “Zäñgär Watan” dokumental’ fil’mı ciñüçe dip tabıldı.
Maqtawlı büläklärneñ berse TRT Xäbär video xezmätenä birelde. Anı TRT ğomum mödire urınbasarı Xäsän Öymäz tapşırdı.
Hönärgä tuğ’rılıq büläklärennän bersenä TRT Kürdi kanalınnan Gülay Demir layıq buldı.
Tantanada İlbaşı idaräseneñ cämäğat’çelek belän êlemtä bülege citäkçese Fäxretdin Altun da qatnaştı. Ul üz çığışında videooperatorlarnıñ döres xäbärgä ireşüdäge ähämiyätenä iğ’tibarnı cälep itte.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı
