Törkiyä başqalasında xatın-qız voleybolçıları cıyıla
Xalıqara Voleybol Federaśiyası (FIVB) Bötendönya xatın-qızlar klubları çempionatı 15nçe dekabr’ çärşämbe könne Törkiyä başqalası Änkarada başlana. Turnirda Törkiyädän” VakıfBank” häm “Fänärbahçä Opet” qatnaşa
Änkara sport zalındağı çempionat 5 kön däwam itäçäk.
A törkemendä Törkiyädän “Fänärbahçä Opet” belän ber rättän İtaliyadan “Imoco Volley” häm Braziliyadan “Dentil Praia”, B törkemendä isä Törkiyädän “VakıfBank” belän Qazaqstannan “Altay” häm Braziliyadan “Minas” taqımnarı köç sınaşaçaq.
2021 FIVB Bötendönya klubları voleybol çempionatınıñ açılış matçı çärşämbe könne Törkiyä waqıtı belän säğät 15:00tä B törkemendä “Minas” häm “Altay” komandaları arasında uzaçaq.
Könneñ ikençe matçında isä A törkemendä Törkiyä waqıtı belän säğät 18:30ta “Fänärbahçä Opet” belän “Imoco Volley” oçraşa.
“VakıfBank” isä berençe matçına 16nçı deabr’ atnakiçen Törkiyä waqıtı belän säğät 15:00tä “Altay” belän bergä çığa.
Çempionatta törkem matçlarınıñ programması (Törkiyä waqıtı) :
15 dekabr’ çärşämbe:
15:00 Minas-Altay
18:30 Imoco Volley-Fänärbahçä Opet
16 dekabr’ atnakiçen:
15:00 VakıfBank-Altay
18:30 Dentil Praia-Fänärbahçä Opet
17 dekabr’ comğa:
15:00 Imoco Volley-Dentil Praia
18:30 Minas-VakıfBank
Törkem matçları näticäsendä berençe ike urınğa uzğan taqımnar 18nçe dekabr’dä yarım finaldä köräş alıp baraçaq, çempionatnıñ öçençelek häm final matçı isä 19nçı dekabr’ yäkşämbe könne ütkäreläçäk.
FIVB tarafınnan 1991nçe yıldan birle oyıştırıp kilüçe Bötendönya klublar çempionatın berençe tapqır qabul itäçäk Törkiyä xatın-qızlar arasında 6 çempion, 2 märtäbä ikençelek häm 4 tapqır öçençelek däräcäsen ala.
2019nçı yılda ütkärelgän çarada İtalian törkeme “Imoco Volley” çempion isemenä layıq bulğan ide.
