Maradonanıñ üleme artındağı serlär

Yaña basılıp çığaçaq ber kitapta yazılğança, Argentinanıñ legendar futbolçısı Diego Maradonanı yörägen alıp kümälär. Bu fanatlarınıñ qaberne talap älege organnı urlawına kirtä quyu öçen êşlänä.

Futbol tarixındağı iñ yaxşı sportçılarnıñ berse dip qabul itelüçe Maradona 2020nçe yılnıñ noyabrendä wafat buldı. Jurnalist häm tabib Nel’son Kastro bu xaqta futbol yoldızınıñ ülemennän aldağı soñğı mizgelläreneñ seren açıp salğan kitabında urtaqlaştı.

Argentina jurnalistı Nel’son Kastro:

- “Gimnasia y Esgrima La Plata” komandası tarafdarlarınnan ber törkem qaberne qazıp Maradonanıñ yörägen alırğa planlaştıra ide.

Kastro, monnan tış, Maradonanıñ yörägeneñ gäwdäsennän alınuınıñ ülem säbäben açıqlaw öçen bik ähämiyätle buluın da citkerde.