Qotlaw çaraları öçen Törkiyäne saylıylar

Diñgeze, qomı, plajları, tarixi, mädäni qıymmätläre häm sälamätlek saqlaw turizmı belän turistlarnıñ iñ küp saylap alınğan yal itü töbäkläreneñ başında torğan Antaliya tuy, bal ayı, tuğan kön kebek qotlawlar öçen dä saylap alına.

Antaliyada turizm xäräkätlelege däwam itä. Şähärdä cıyılış, qızıqsındıru säyäxäte, kongress, konferenśiya, tuy, bal ayı, tuğan kön, öylängänlek yıllığı çaraları öçen dä iğ’tibar kürsätelä.

Rusiyä, Hindstan belän berrättän qayber illärdän êşmäkärlär, sänğätçelär yäki yuğarı däräcäle citäkçelär maxsus qotlawlar öçen kübesençä Törkiyäne, ayıruça turizm başqalası Antaliya, İstanbul häm Muğlanı saylıylar.

Xalıqara cıyılış häm tuy turizmı forumı citäkçe urtağı Näcip Fuat Ärsoy Antaliyanıñ massaküläm turizm qadär qotlaw häm törkem çaraları öçen dä iğ’tibar kürüen belderde.

Törkiyäneñ barı tik Urta diñgezdä genä tügel, dönyada möhim bara torğan urın buluın citkerüçe Ärsoy: “Bu ölkädä täcribäbez bik yuğarı, qorılmalarıbıznıñ sıyfatı, xezmäte citdi däräcädä”, - dip basım yasadı.

Ärsoy çit ildä tığız marketing êşçänlegeneñ alıp barıluın, barı tik sośial’ media aşa ğına da 110 ildä 40 million keşegä ireşä aluların iskärtep uzdı.