Möxämmät Alinıñ räsemnäre yaqınça 1 million dollarğa satıldı
Alarnı satuğa tanılğan boksçınıñ dustı quya
Tanılğan boksçı Möxämmät Alinıñ sızımnarı, êskizları häm räsemnärennän toruçı siräk kollekśiyä aukśionda yaqınça 1 million dollarğa satıldı.
BBC xäbärenä qarağanda, AQŞnıñ N’yu-York şähärendäge Bonxams aukśion yortında yaqınça 26 sänğat’ äsäre satuğa çığarıla. İñ kötelgän lotlardan berse – “Umarta şikelle çaq”. Anı aukśionğa çıqqançı farazlanğan bäyädän 10 tapqırdan da artığraqqa – 425 meñ dollarğa satalar.
Äsärlärne satuğa kollekśioner häm boksçınıñ dustı Rodni Xilton Braun çığara. Anıñ äytüençä, berençe öç räsemen Möxämmät Ali 1977nçe yılda Bostondağı ber matçtan soñ yasağan.
Kollekśiyä kötelgännän öç tapqır qıybatraqqa – tulayım 945 meñ 524 dollarğa satıldı.
1979nçı yılda qızıl, aq, zäñgär töslär belän yasalğan häm “Sine yaratam, Amerika” iseme birelgän äsär 150 meñ dollarğa kitä, ä 1967dä flomaster belän sızılıp, islam häm xristian dinnären çağıldırğan êskiznı 24 meñ dollarğa alalar.
Tanılğan boksçı Möxämmät Ali 2016nçı yılda 74 yäşendä wafat buldı.
