TRT WORLD Forumı
Ul bıyıl 19-20 nçe oktyabr’ könnärendä “Köç häm paradoks: 21 nçe ğasırda zur strategiyäne aňlaw” teması astında onlayn rejimda uzaçaq
5 nçe TRT WORLD Forumı 19-20 nçe oktyabr’ könnärendä “Köç häm paradoks: 21 nçe ğasırda zur strategiyäne aňlaw” teması astında onlayn rejimda uzaçaq.
Törkiyä teleradiokompaniyäse TRT beldergänçä, 2017 nçe yıldan başlap dön’yanıň möhim global’ problemaların çişü maqsatınnan oyıştırılğan forum bıyıl da dönyanıň törle poçmaqlarınnan akademiklar, ictimaği oyışmalar, fiker iyäläre, säyäsätçelär ,belgeçlär häm matbuğat äğ’zaların bergä oçraştıra.
Forumda üz ölkälärendä belgeç bulğan dön’yaküläm tanılğan şäxeslär soňğı yıllardağı säyäsi häm ictimagi temalar, problemalar turında 16 utırışta fiker alışaçaq.
Global’ gumanitar krizislar, xalıqara qurqınıçsızlıq säyäsätläre, global’ ğadellek temalarına bağışlanğan panel’lär belän böten keşelekne borçığan sorawlar qaralaçaq.
Şul uq waqıtta Talibannıň Äfganstanda kontrol’ne üz qulına aluınnan soň “Talibannıň kire qaytuı: xatalar häm sabaqlar” isemle sessiya TRT WORLD forumına östälde.
5 nçe TRT World Forumına https://www.trtworldforum.com/trt-world-forum-2021/ adresınnan terkälergä bula.
