Nobel' tantanası bıyıl da bulmıy

Nobel’ büläkläre koronavirus kizüe säbäple bıyıl da iyälärenä tantana belän tapşırılmayaçaq.

Nobel’ waqıfınnan belderülärençä, laureatlar medal’lären üz däwlätlärendä alaçaq.

“Härkem Kovid-19nıñ betüen teli, ämma älegä bu noqtağa kilmädek. Nobel’ laureatları, uzğan yılğı şikelle, bıyıl da büläklären häm medal’lären üz däwlätlärendä alaçaqlar,”- dide Nobel’ waqıfı räise Lars Xaykensten.

Här yıl 10nçı dekabr’dä uzuçı tantana yaqınça 60 yılda täwge tapqır uzğan yıl Kovid-19 kizüe säbäple bulmadı. Bıyıl da ul internet aşa uzaçaq.

Kovid-19 kizüennän alda Nobel’ büläklären tapşıru tantanası 1956nçı yılda Sovetlar berlegeneñ Vengriyäne basıp aluına protest yözennän ğamäldän çığarıla. Tantana 1nçe häm 2nçe Bötendön’ya suğışı waqıtında da ütkärelmi.