"Bu qadär yaxşı komanda ruxın min başqa ber cirdä dä kürmädem"

Räsmi säfär belän Serbiyä başqalası Belgradqa kitkän Törkiyä tışqı êşlär ministrı Mäwlet Çavuşoğlu anda kiçke aşta törek xatın-qız voleybolçıları belän oçraştı. Cıyılma komanda Awrupa çempionatında yarımfinalğa çıqtı häm çirattağı matçqa äzerlänä.

Mäwlet Çavuşoğlu törek xalqınıñ milli voleybolçıları belän ğorurlanuın belderde. Ul alar arqasında Törkiyäneñ bu sport belän qızıqsına başlawın assızıqladı. “Trener - şäp,  komanda – şäp. Komanda ruxı dilär bit äle, bu qadär yaxşı komanda ruxın min başqa ber cirdä dä kürmädem,”-dide Çavuşoğlu.

Ministr Pol’şa belän uynalğan çirek final matçınıñ soñğı setınıñ bik dulqınlandırğıç buluın söyläde.

“İnşallah, finalğa çığarsız. Finalğa çıqsağız, kilergä tırışam, tik bezneñ êştä bernärsäne aldan äytep bulmıy. Sezne yaratabız, sezneñ belän ğorurlanabız,”-dip qızlarnı ruxlandırdı Çavuşoğlu.

Ministr häm komanda bergäläp voleybolçı Handä Baladinnıñ tuğan könen dä bilgeläp ütte.