Andjelina Djoli Bred Pittnıñ bülägen sattı
Anı yaqınça 850 million sumğa satıp alalar
Oskarlı aktrisa, Gollivud yoldızı Andjelina Djoli üz kollekśiyäsendäge Böyekbritaniyäneñ êlekkege xökümät räise Uinston Çerçill’ yasağan räsemne sattı. 8 million 300 meñ sterlingka (bu yaqınça 850 million sum).
BBCneñ xäbärenä qarağanda, äsärne satıp aluçınıñ iseme bilgele tügel. Ul Çerçill’neñ İkençe Bötendön’ya suğışı waqıtında yasağan berdänber peyzaj räseme. Anda Marokkonıñ Marrakeş şähärendä cılı tonnar belän qoyaş batu mizgelläre sürätlänä. “Kütübiyyä mäçete manarası” dip ataluçı älege kartinanı säyäsätçe AQŞnıñ êlekkege ilbaşı Franklin Ruzvel’tqa büläk itkän bula.
Çerçill’neñ 1935nçe yılda Marokkoğa säfäre waqıtında yasalğan kartina monnan alda 1 million yarım sterlingka satılğan ide.
Andjelina Djoliğa isä anı êlekkege ire Bred Pitt 2011nçe yılda büläk itä.
Bäyläneşle xäbärlär
"TRT tapşırular ölkäsendä ireşkän däräcäse belän törek xalqın ğorurlandıra"
İlbaşı bu xaqta TRTneñ 60 yıllığı nisbätennän yasağan belderüendä citkerde