Antaliyada 90 ildän keşe yäşi

Qoyaşı, yar buyları, tabiğıy maturlıqları, tarixi häm mädäni baylığı belän dön’yanıñ möhim turizm urınnarı arasında bulğan Antaliyane çit il keşeläre yäşär öçen sayladı.

Yaqınça 90 ildän keşelär yäşägän Antaliyağa kilep urnaşqan çit il keşese sanı 94 meñ 294 bularaq bilgelände.

Şähärdä iñ küp Rusiyä watandaşları yäşi. Yal öçen Törkiyä häm Antaliyane saylawçı ruslar däwamlı yäşär öçen dä biregä kilä.

Antaliyane ikençe öye kebek kürüçe 18 905 Rusiyä watandaşı biredä ğomer itä.

Qazaqstannan bu şähärgä 11 537 keşe kilep urnaştı. Antaliyada şulay uq 9615 alman, 6703 iranlı, 6201 Ğıyraq watandaşı yäşi.

Antaliyaneñ 19 rayonında çit il keşeläre bar. Läkin 94 meñ 294 çit il keşeseneñ yaqınça 30 meñe Alaniyada ğomer itä. Alar rayonnıñ 10%ın täşqil’ itä.

Rus Sänğat’ häm mädäniyät cämğıyäte başlığı İrina Balcı Ruslar öçen Antaliyaneñ möhim şähär buluın äytep: “Ruslar öçen Antaliya ikençe öyläre. Yal itü häm yäşär öçen Antaliya bik matur şähär. Hawası cılı, qışın da diñgezgä kerep bula. Biredä tormış bik küñelle,” – dide.

Koronavirus barışında kürelüçe çaralarnı yaqınnan küzätep baruların añlatqan Balcı şaqtıy Rusiyä watandaşınıñ Törkiyädä üzen imin xis itüen citkerde.