Törek serialı söyüçelär restoranı
Ber êşmäkär restoranına serial isemen birde
Hindstanda“Terelü Ärtuğrul” dip ataluçı törek serialın yaratuçı möselman êşmäkär üzeneñ yaña açqan restoranına “Ärtuğrul” digän isem quya. Cavid Xan äytüençä, töbäktäge xalıq älege fil’mnı yaratıp qarıy. Ul Xaydarabad şähärendä açqan restoranına şul säbäple töp geroynıñ isemen birergä uylıy.
Qalağa kübräk ğaräp turistları kilä häm restoranda da alarnıñ rizıqları. Östäwenä, cirle xalıq ta bu tördäge aşaw-êçü belän qızıqsına. Menyuda xäzergä törek aşları yuq.
Restorannıñ divarlarına “Terelü Ärtuğrul” serialı artistlarınıñ fotoları da êlengän.
Serialnı uzğan Ramazan ayında Paqıstannıñ däwlät telekanalı urdu telendäge dublyaj belän kürsätä başladı. Hindstandağı möselmannar da älege teldä söyläşä. Şuña kürä, alar da zur qızıqsınu belän fil’mnı qarıy.