"Täbriklär, Drogba"

Törkiyäneñ “Galatasaray” komandasında da uynağan, böten dön’yağa tanılğan futbolçı Did’ye Drogba Franśiyä berençe futbol ligası tarafınnan uzdırılğan soraştıruda sonğı 20 yılda forma kigän iñ yaxşı höcümçe bularaq saylandı.  

Ligue 1neñ Twitter säxifäsendä bolay dip yazıla: “Täbriklär, Drogba. Qayçandır “Olimpik Marsel’” häm “Gengan”nıñ formaların da kigän gol ostası sezneñ tarafığızdan ligada sonğı 20 yılda uynağan iñ yaxşı forvet bularaq saylandı”.

Drogba da üzenä tawış birgän canatarlarına sośial’ media aşa räxmäten citkerde.

Kot-d-İvuar cıyılma komandası tarixındağı in yaxşı höcümçe bulğan futbolçı 2018nçe yılnıñ 9nçı noyabrendä kar’yerasına noqta quyuın belderde. Ul waqıtta Did’ye Drogba 40 yäşendä ide.