La Liganıñ kiläçäge
İspaniyädä futbolçılarnıñ künegülären başlıy torğan kön bilgele buldı
Koronavirus kizüe iñ awır uzuçı illärneñ berse bulğan İspaniyädä tormışnı normağa kertü öçen qararlar çığarıla.
Xökümät futbol komandalarınıñ künegülären başlayaçaq kön turında klublar häm federaśiyälär belän kileşü tözüen belderde. Ämma anı cämäğat’çelekkä äytmädelär. İspaniyäneñ qayber matbuğat çaraları, kizüneñ tizlege häm sälamätlek saqlaw tarmağı wäkilläreneñ qararlarına nisbätle bularaq, älege könneñ 4nçe may bula aluın xäbär itte.
La Liga häm federaśiyä künegülär başlanğannan soñ ğamäldä bulaçaq qatğıy sälamätlek qağıydälären dä bilgeläde.
Liga idaräse sport çaralarınıñ may ayı betkänçe kötelmäwen, berençe êtapta matçlarnıñ tamaşaçısız uynalaçağın citkerde.
Xökümät wäqalätleläre häm futbol klubı citäkçeläre arasında cıyılış ütte. Anda La Liga êfir keremnäreneñ yaqınça 10 million yevrosın başqa sport törläre häm sportçılarına küçerü mäs’äläsendä kileştelär.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı