Vil’gel’m Ott möselman buldı

Avstriyä boksçısı Vil’gel’m Ott möselmanlıqqa küçte. Bu xaqta 37 yäş’lek sportçı üzeneñ sośial’ media säxifäse aşa belderde. “Küptän küñelemdä bar ide, ämma başqa keşelärneñ täêsire astında idem. Karantin waqıtında İslamnıñ qıymmätläre miña kiräkle köçne birde,”-dide ul.

Vil’gel’m Ott möselmanlıqqa küçüen raslawçı video da urtaqlaşa. Üze äytüençä, anı möselmanlıqqa törek dustı êtärgän häm täwge Qor’än kitabın da ul birgän.  

Boksçınıñ yazmasında mondıy yullar da bar: “Möselman buluımnı barı tik duslarıma söyläyäçäktem, läkin härkemneñ belüe kiräklegen uyladım. Bu xaqta urtaqlaşuım şulqadär qızıqsınu uyatır dip kötmädem. Teläktäşlege öçen İslam cämäğat’çelegenä räxmätemne belderäm. Bar keşegä yörägemnän yaratuımnı cibäräm häm “Maşallah” dim”.

Utt uraza totası könnärne sabırsızlıq belän kötüen dä citkerde.