Forbs törek xamamı häm odekolonı kiñäş itä
Jurnal töreklärneñ çistalıq yolaların öydä qabatlaw yulların öyrätä
Amerikanıñ biznes jurnalı “Forbes”nıñ säyäxät yazuçısı Gretxen Kelli koronavirusqa qarşı törek xamamın häm odekolon kiñäş itä. Ul “Törkiyäneñ çistalıq mädäniyäte” dip ataluçı mäqaläsendä bolay dip yaza: “Ğosmanlı çorınnan kilüçe yuınu mädäniyäte: su, sabın, masaj häm pardan toruçı yola. Säyäxät itüneñ yaña yulların êzläwçe amerikalılar öçen zakaz birelgän törek sabını, törek sölgeläre häm odekolon koronavirustan saqlıy”.
Kelli, tarixi xamamnar tışında, İstanbuldağı tağın da zamança xamamnarnıñ gizüçelärgä çista häm ilham birüçe täcribä birüen söyli. Ul Törkiyädäge zäytün maylı sabınnar häm xamamnardağı maxsus munçalalarnıñ ğadäti vannalarda da qullanıla aluın äytä.
Yazuçı koronavirus kizüe başlanğaç törek odekolonın satıp alunıñ awırlaşuın da yäşermi.
“Yuğarı däräcädä alkogol’le odekolon (anıñ limonlısında yaqınça 80% êtanol bar) sörtü – törek yolası. Bu – roza, qır çäçäkläre, śitruslılar häm başqa kiñ qullanıluçı islärgä iyä dezinfekśiyä çarası. Qunaqlarğa “xuş kildeñ” ritualı bularaq qullarına sibü öçen qullanıluı öçen ise bik awır tügel,”-dip yaza Kelli.
Yazuçı törek stilendäge vanna öçen zäytün maylı sabın, tösle tastımal, baqır kasä häm başqa êşlänmälärne internet aşa satıp alu mömkinlegen citkerä.
