Tokio Olimpiya uyınnarı bulaçaqmı?

Xalıqara Olimpiya komitetı räise Tomas Bax Tokioda bıyıl cäy uzaçaq uyınnarnıñ planlaştırılğan programma buyınça däwam itäçägen äytte.

Ul, uyınnar ğamäldän çığarılsa, 11 meñ sportçınıñ xıyallarınıñ yuqqa çığaçağın assızıqlıy. “Tokio -2020ne tormışqa aşıru öçen östäldä al’ternativ plannar bar,”-di Bax.   

Şul uq waqıtta, Serbiyä häm Xorvatiyä sport delegaśiyäläre Olimpiya uyınnarınıñ däwam itmäwe kiräklege xaqında fiker belderde.

Tokioğa baru xoquqı qazanğan dön’ya fextovat’ itü çempionı nemeś Maks Xartung da, uyınnar oyıştırılsa, boykot itäçägen citkerde. “Böten keşe virusnıñ taraluın tuqtatuda rol’ uynarğa tiyeş,”-dide ul.

Monnan tış, Berläşkän Amerika ciñel atletika häm yözü federaśiyäse, Braziliya Olimpiya komitetı, Angliyä ciñel atletika federaśiyäse häm Franśiyä yözü federaśiyäse uyınnarnı soñğaraq waqıtqa küçerü yağında buluların äytte.

Olimpiya uyınnarı öçen älegä qadär 12 milliard dollardan artıq aqça tükkän Yaponiyä xökümäte isä çaranıñ kiçekterelüenä uñay qaramıy.

Olimpiya komitetınnan taralğan mäğ’lümatlarğa qarağanda, 3 törle plan uylanıla: uyınnarnı 1-2 yılğa kiçekterü, açılışnı sentyabr’gä qaldıru yäisä tamaşaçısız yarışlar.