Hawa kerlelege depressiya riskın arttıra
Monı University College Londonnan tikşerenüçelӓr açıqladı
Angliyada urnaşqan University College Londonnan tikşerenüçelӓr alıp barğan êşçӓnlek hawa kerlelegeneñ depressiya riskın arttıruın açıqladı.
Kolledjdan Dr. İzabel’ Breytweyt hӓm törkeme xӓzergӓ qadӓr 16 ildӓ açıqlanğan 25 êşçӓnlekne centekle rӓweştӓ tikşerü nӓticӓsendӓ hawanı pıçratuçı kisӓkçeklӓr artuınıñ depressiya riskın arttıruın rasladı.
Tikşerenüdӓ ozaq waqıt mondıy pıçraq hawada qaluçılarnıñ qalmawçılarğa kürӓ depressiyağa kerü riskınıñ 10%ka, üz-üzenӓ qul salu riskınıñ dӓ 2%ka artuı belderelde.
Breytweyt mӓs’ӓӓ belӓn bӓyle yasağan açıqlawında hawa kerlelegeneñ aqıl sӓlamӓtlegenӓ dӓ zıyanlı buluın citkerde.
Hawanı pıçratuçı kisӓkçeklӓrneñ sulış hӓm qan belӓn migӓ barıp ireşüen ӓytkӓn İzabel’ Breytweyt monıñ isӓ nerv küzӓnӓklӓrenӓ zıyan saluın hӓm stress gormonı citeşterüdӓ üzgӓreş kiterep çığaruın açıqladı.
Tikşerenü nӓticӓlӓre "Environmental Health Perspectives" jurnalında basıldı.
