Êminemnän AQŞnıñ yäşeren xezmäte soraw aldı
Anıñ ber cırında İvanka Trampqa yanaw süzläre buluın alğa sörälär
Tanılğan rêpçı, Grêmmi büläge iyäse Êminemnän AQŞnıñ yäşeren xezmäte soraw aldı. Anıñ ber cırında Amerika ilbaşı Trampnıñ qızı häm kiñäşçese İvanka Trampqa yanaw süzläre buluın alğa sörälär.
Süz Êminemnıñ 2017nçe yılğı “Framed” cırı turında bara. Anda “Trampnıñ qızı İvankanı maşina bagajında kürü” digän süzlär bar. Şul uq waqıtta, ber üterü turında da bäyan itelä. Cırçı ilbaşı qızın “tintäk blondinka” dip atıy.
Amerikanıñ matbuğat çaralarında äytelgänçä, Êminemnıñ älege cırları turında “ber cawaplı watandaş” AQŞnıñ yäşeren xezmätenä xäbär itä. Agentlar 2017nçe yıl axırında mäşhür rêpçı belän advokatları arqılı êlemtägä kerä. 2018nçe yılnıñ ğıynvarında isä Êminemnıñ üzennän soraw alalar.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä