Kayseridä Qor’än Kärim kürgäzmäse

Diyänät êşläre räislege häm Törkiyä diyänät waqıfı xezmättäşlege belän alıp barılğan “Bülägem Qor’än bulsın” proyektı qısasında Törkiyäneñ Kayseri qalasında Qor’än Kärim kürgäzmäse açıldı.  

Möfti Şahin Güvän Hunat mädräsäsendä açılğan kürgäzmädä 27 teldä basığan häm 67 ilgä cibärelgän Qor’än Kärimnär urın aluın belderde.

Ul:”Dönyanıñ törle poçmaqlarında Qor’än uqırğa teläwçelär bar. Bu izge kitapqa ireşä almawçılarğa anı cibärü öçen tırışabız. Bügenge köngä qadär Törkiyädä 1 million 250 meñ Qor’än Kärim büläk itelde. Bolardan 800 meñgä yaqını başqa illärgä cibärelde. Uzğan atnada Sudanda idek. Alarnıñ üz tellärendä Qor’än uqularına mömkinlek tudırabız”,-dide.

”Bülägem Qor’än bulsın”proyektı qısasında Aziya, Afrika,Balkan häm Yaqın Könçığışta tuplam 67 ildä möselmannarğa taratılğan Qor’ännär urın alğan kürgäzmä 1 atna êşläyäçäk.