“Qor’än-ı Kärim belän yörägeñä yazam”

Bosniyä-Gerśegovinanıñ Mostar şähärendä “Qor’än-ı Kärim belän yörägeñä yazam” dip ataluçı kürgäzmä açıldı. Anı Yunus Ämrä institutı oyıştırdı. Kürgäzmädä kollekśioner Nusrät Omerikanıñ 114 kitabı tamaşaçılar iğ’tibarına täq’dim itelä. Aralarında quldan yazılğan häm altın belän bizälgän Qor’ännär dä bar.

Omerika, açılışta çığış yasap, 300 yıllıq 6 qul’yazma Qor’än-ı Kärimneñ täwge tapqır kürgäzmägä quyıluın söyläde.

“Öyemdä 3 meñ kitaptan toruçı kitapxanäm bar. Aralarında 200e Qor’än-ı Kärim. İzge kitapnı söyüem babamnan miras,”-dide ul.

Omerika Qor’än ürnäklären 10 yıl êlek cıya başlağan. Ul Mostarda kürgäzmä oyıştıruına quanuın yäşermi.

Karagöz Bäy mädräsäse mödire urınbasarı Sul’yo Śikotik ta Qor’än-ı Kärimneñ här möselman yörägendä ayırım urın alıp toruın assızıqladı. “Qor’än-ı Kärimne saqlaw tamırlarıbıznı saqlaw dimäk. Omerikağa mondıy kollekśiyägä iyä buluı häm bezneñ belän urtaqlaşuı öçen räxmät belderäbez,”-dide ul.