Mӓskӓw fil’m festivale azağına yaqınlaştı

Törkiyӓ xörmӓtle qunaq bularaq qatnaşqan 41nçe Xalıqara Mӓskӓw fil’m festivale azağına yaqınlaştı.

Başqala Mӓskӓwdӓge festivalneñ yomğaqlawı uñayınnan Rusiyӓ teatrı tantanalı çığış yasadı.

Mӓskӓw fil’m festivale başlığı Nikita Mixalkov çaranıñ ӓhӓmiyӓtenӓ işarӓt itep: “7 köndӓ 64 ildӓn 347 fil’m kürsӓtelde, festivalne yaqınça 60 meñ keşe küzӓtep bardı,” – dide.

Mixalkov qatnaşuçılarnı tӓbrik itep, êşlӓrendӓ icadi uñışlar telӓde.

Festivaldӓ “Altın İzge Georgiy” bülӓgen Qazaqstannan rejissyer Farxat Şaripovnıñ “Şӓxsi üseş” filme aldı.

Qıtay rejissyerı Zhang Çineñ “Qaytawaz artınnan” isemle filme jyuri maxsus bülӓgenӓ layıq bulıp kürelde.

Festivalneñ iñ yaxşı rejissyerı bülӓgen italiyan Valerio Mastandrea “Yılmayu” filme belӓn aldı.

“İñ yaxşı aktyer” bülӓgen “Buşlıq” filmendӓge role belӓn Finlyandiyale Tommi Korpela qazandı, “İñ yaxşı aktrisa” bülӓge “İkençe mӓktӓp yılı” filmendӓ uynağan Soxa Niasatiğa birelde.

Norvegiyale Peter Sommer töşergӓn “Çönki bez ir-atlar” filme “İñ yaxşı dokumental’ fil’m” bülӓgen aldı.