Xarranda 9 ğasırlıq daru şeşäse tabıldı

Dön’yanıñ iñ borıñğı cirläşü urınnarınnan sanaluçı Şanlıurfadağı Xarran xaräbälärendä ğacäyep tabıldıq çıqtı. Qazular waqıtında urta ğasırlardan qalğan daru şeşäsenä tap buldılar. Ul balçıqtan yasalğan. Şeşäneñ östendä bügenge köndä mediśinanıñ simvolı bulğan ber-bersenä uralğan ike yılan süratı bar.

Xarran universitetı arxeologiyä büleme professorı Mäxmät Önal, antik tabıldıqlarğa tayanıp, cirlekneñ borıñğı zamanda ähämiyätle mediśina üzäge bularaq qabul itelüenä iğ’tibarnı cälep itte. YuNESKOnıñ Bötendön’ya mirası waqıtlıça isemlegendäge xaräbälärdä uzğan yıl muskus satuçı kibet tabılğan ide. Bıyılğı êksponat isä mediśina beleme öçen qızıqlı. “Şeşä tabılğan tufraq qatlawı bezneñ êranıñ 12nçe ğasırına qarıy. Bu da Zängilär çorına turı kilä. Monda daru yasaluı häm anıñ bu şeşälär belän satıluı turında näticä çığardıq,”-dip söyläde professor.

9 ğasırlıq daru şeşäse Göbäkletäpädän çığarılğan äsärlär dä urın alğan Şanlıurfa muzey kompleksında kürgäzmägä quyılırğa äzerlänä. anda 70 meñnän artıq êksponat urın alğan.