Cirdä tormış öçen kiräkle êlementlar 4,4 milliard yıl êlek barlıqqa kilgän

Ğalimnär Cirdä tormış öçen kiräkle êlementlarnıñ 4,4 milliard yıl êlek bulğan bäreleştän soñ barlıqqa kilüen farazlıy. AQŞnıñ Rays universitetındağı fän êşlekleläre Cir belän Mars zurlığındağı planeta arasındağı bäreleşne qabatlawçı 1 milliardtan artıq simulyaśiyä yasadı. Êşçänlek näticäsendä çınbarlıqqa iñ nıq turı kilüçe sśenariynı saylap aldılar. Ul bolayraq: töşeneñ 25 yäisä 30 prośentı kükerttän toruçı Mars zurlığındağı planeta belän Cir şarı bäreleşep ber-bersenä kergän. Näticädä Cir şarı tormış öçen kiräkle uglerod, azot, kükert häm başqa êlementlarnı üzläştergän.  Ğalimnär fikerençä, aña qadär Cirdä bu êlementlar yuq dip äyterlek däräcädä az bulğan.

Bu bäreleş Aynıñ barlıqqa kilüenä dä säbäpçe dip farazlana.