5700 yıllıq bäbäy

Kön’yaq Amerika däwläte Argentinanıñ Mendoza şähärendä yaqınça 5 meñ 700 yıl êlek yäşäwe farazlanuçı bäbäyneñ qaldıqların taptılar.

Cirle mäğ’lümat çaralarında urın alğan xäbärlärgä qarağanda, ber törkem arxeolog “Mäğarälärneñ balası” dip ataluçı cirlektä qazu êşläre alıp barğan. Älege urınnı 2015nçe yılda tabılğan bala qaldıqları säbäple şulay atağannar. Yaña skelet 3 yıl êlek tabılğanınnan metr yarım yıraqlıqta ğına. “Ber ük urında tağın ber balanıñ kümelgän buluı çınnan da şaqqattıruçı”,-di arxeologlar. Êşçänlekneñ maqsatı yaña skelet êzläw bulmıy. Belgeçlär êlekkege qazınunıñ steril’ qatlam däräcäsen êzlägän, çönki 2015nçe yılda berençe balanı tapqan tiränlekkä kire töşkännär. Şunda alar qızıqlı bernärsägä tap bula. Qızıl balçıqqa oxşağan, uglerodlı yuşqını bulğan tügäräk. Pumala yärdämendä 1-2 santimetrlı kisäkne çığaralar. Monıñ iyäk buluı açıqlanğannan soñ bala skeletı tabuların añlıylar.  

Belgeçlär yaña tabılğan qaldıqlanıñ êlekkegese belän ber ük çorğa qarawın uylıy. Analizlarğa qarağanda, skeletlarnıñ yäşe 5 meñ 750 yıl tiräse.