Vengriyädä Gül Baba törbäse açılışı

İlbaşı Räcäp Tayyip Ärdoğan Vengriyägä räsmi säfäre waqıtında xökümät räise Viktor Orban belän Gül Baba törbäseneñ açılışında qatnaştı. Ul anda çığış yasap törek-vengr xezmättäşlegeneñ ike däwlätneñ urtaq mädäni mirası astında tamır cibärüen däwam itäçägen belderde. Ärdoğan törbäneñ ike aradağı ğasırlarğa suzılğan duslıqnıñ simvolı ikänen assızıqladı.  

Çalmasında roza çäçäge yörtkängä Bäktaşi därwişenä Gül Baba iseme birälär. Ärdoğan anıñ 477 yıl êlek baqıylıqqa küçüen belderde. Ul dön’yağa taratırğa tırışqan qıymmätläre häm simvolğa äwerelgän xarakterı belän böten macar dön’yasına tanılğan. Ärdoğan Gül Baba isemeneñ tuğ’rılıq, qıyılıq, ğadellek, fidakärlek, xörmät häm söyü şikelle qıymmätlär belän bergä kilüen assızıqladı.  

İlbaşı fikerençä, Gül Baba törbäse barı tik ürtaq tarixnı xäterlätkän yadkyär bularaq qabul itelergä tiyeş tügel. “Gül Baba üzen zıyarät itüçelärgä tarixnıñ tiränleklärennän êndäşep keşelekneñ däwamınıñ törle mädäniyätlär arasında xörmät, anlaşu häm duslıq näticäsendä buluın xäterläter,”-dide Ärdoğan.   

Märxüm Äwliyä Çäläbi häm törle çorlarda törbäne zıyarät itkän xacilär vengr xalqınıñ Gül Baba törbäsen saqlaw öçen ähämiyät birüläre turında söylägän. Ärdoğan anıñ barlıq awırlıqlar häm sınawlar aşa uzıp bügengä kilep citüeneñ säbäbe bu iğ’tibar, qayğırtuçanlıq häm xörmät buluın assızıqladı.