Nobel’ büläge üz iyälären taptı

Fizika buyınça Nobel’ büläge üz iyälären taptı. Bıyıl aña lazer fizikası êşçänlege öçen AQŞtan Artur Aşkin,  Franśiyädän Jerar Muru häm Kanadadan Dana Striklend iyä buldı.

Artur Aşkin 1922nçe yılda AQŞnıñ N’yu-York şähärendä dön’yağa kilgän. Ul 1960nçı yıllarda Bell laboratoriyäsendäge êşçänlege waqıtında sizger optik lazer sistemaların üsterä. 1978nçe yılda fizik optik pinśet uylap taba. 96 yäş’lek Aşkin Nobel’ bülägen alğan iñ qart ğalim. Aña qadär bu titulnı 2002nçe yılda 88 yäşendä laureat bulğan Raymond Devis yörtä ide.    

Muru häm Striklend AQŞnıñ Roçester universitetında urtaq êşçänlek alıp bara. Alarnıñ lazer texnologiyäsendäge icatları bik keçkenä kisäkçeklär häm bik tiz prośesslarnı tikşerä alunı täêmin itä. Striklend 1901nçe yıldan başlap bu büläkkä layık bulğan öçençe xatın-qız fizik.