Qaynar hawa şarları arta

Turizmğa öleş kertü maqsatı belän Kapadokiya belän tağın 9 urında qaynar hawa şarlarınıň oçuı öçen êşçänleklär tamamlandı.

Transport häm asqorıma ministrlığınıň grajdan aviaŝiya ğomüm mödirlege tarafınnan qaynar hawa şarlarınıň Nävşähir-Kapadokya belän bergä Burdur-Bucak, Dänizli-Pamukkalä, Adana-Kozan, Bitlis-Ahlat, Änkara-Polatlı, Afyonkarahisar-İhsaniyä, Äskişähir-Säyitgazi, Samsun-Bafra, Aksaray-İhlarada da hawağa kütäreläçäge açıqlandı.

Törkiyä bu şarlar ölkäsendä dönyanıň iň zur säwdä operaŝiyasen başqara.

Transport häm asqorıma ministrlığınıň grajdan aviaŝiya ğomüm mödirlege mäğlümatlarına kürä Kapadokya töbägendä 25 qaynar hawa şarı êşxanäse 239 şar belän yılda urtaça 260 kön oça. Ber köndä 90 şar kük yözenä kütärelä. Yıllıq 500 meň tiräse turistka xezmät kürsätelä.

Germaniya, Angliya, Franŝiya häm Hollandiya kebek Awrupa illärendäge hawa şartları arqasında şarlar yılda iň kübe 60 kön kük yözendä oça. Keniyada yılda iň kübe 150-170 tapqır oçu başqarıla.