Kaxramanmaraşta 16 meñ yıllıq tabıldıq

Törkiyäneñ Kaxramanmaraş töbägendäge ber mäğarädä borınğı ayu häm susarnıñ baş söyäkläre tabıldı. Alarnıñ miladqa qadär 14 meñençe yıllarda yäşäwen farazlıylar.  

Onikişubat rayonındağı Diräkle mäğaräsennän moña qadär dä arxeologik tabıldıqlar küp çıqtı. Anda fänni êzlänü êşläre 2007nçe yıldan birle däwam itä. Sonğı tapqır mäğaräneñ êçendä tügäräk häm planlı ber urın barlığı açıqlandı. Anda 16 meñ yıllıq dip farazlanuçı ayu häm susarnıñ baş söyäklärenä tap buldılar.

11 yıl däwam itüçe qazularnıñ 2019nçı yılda tögällänüe planlaştırıla. Paleolit häm bozlıq çorına qarawçı qaldıqlar tabılğannan soñ mäğaräneñ ähämiyäte tağın da arttı.