Mӓskӓwdӓ Törkiyӓ festivale

Törkiyӓneñ Mӓdӓniyӓt hӓm turizm ministrı Mӓxmӓt Ӓrsoy Rusiyӓ başqalası Mӓskӓwdӓ oyıştırılğan “Törkiyӓ festivale”n açtı.

Mӓdӓniyӓt hӓm turizm ministrlığı ximayasında, Törkiyӓdӓge qunaqxanӓçelӓr federaśiyase yӓrdӓme belӓn bıyıl ikençese oyıştırılğan festival’ Mӓskӓwneñ iñ prestijlı parklarınnan Krasnaya Presnyada açıldı.

Ministr Ӓrsoy festival’neñ açılışında yasağan çığışında uzğan yılnı da şul uq urında uzğan Törkiyӓ festivaleneñ zur qızıqsınu uyatuın, monıñ söyenderüçe buluın belderep: “Küp keşe kilgӓndӓ bezgӓ dӓ bu mönӓsӓbӓtlӓrne nığıtu, mondıy çaralarnı ütkӓrep, dӓwam itterü öçen qıyulıq kilӓ. Hӓr yıl tağın da zur ilham belӓn bu çaralarnı çınğa aşırırğa telibez,” – dide.

Festival’dӓ Törkiyӓneñ turizm belӓn ber rӓttӓn törle yaqtan tanıluın maqsat itülӓren citkergӓn ministr: “Monda törek mӓdӓniyӓten, sӓnğaten, muzıkasın, aş-suların, Törkiyӓneñ törleleklӓren sezneñ belӓn tanıştırırğa telibez,” – dide.

Krasnaya Presnya parkında 12 avgust könenӓ qadӓr baraçaq çara qısalarında Törkiyӓneñ turistik töbӓklӓre tanıtılaçaq. Ayıruça törek mӓdӓniyӓten çağıldıruçı konśertlar hӓm biyü çığışları belӓn qul sӓnğate atel’yeları oyıştırılaçaq, aş-su hӓm sport kebek şaqtıy ölkӓdӓ törle çaralar kilüçelӓrgӓ tӓqdir itelӓçӓk.