Trampnıñ yoldızı

AQŞ ilbaşı Donal’d Trampnıñ yoldızı sünärgä mömkin. Könbatış Gollivud xakimiyäte anıñ Dan alleyasındağı yoldızın alıp atunı taläp itä. Moña ilbaşınıñ xatın-qızlarğa qarata bäylänçek, tübänsetüçe mönäsäbäten säbäp itep kürsätälär.

Qararnı töbäk parlamentında berdäm qabul itälär. Gollivud säwdä palatası başlığı Leron Gubler beldergänçä, Dan alleyasına quyılğan yoldızlar “tarixnıñ ber öleşe” xälenä kilde. Bu säbäple moña qadär berkemneñ yoldızın kire almadılar.  

Trampnıñ Gollivud Dan alleyasındağı yoldızı 2007nçe yılda “Öyränçek” dip ataluçı televideniye tapşıruındağı uñışı häm dön’ya güzällek konkurslarına kertkän öleşe öçen açıldı. Älege istälekle simvol Tramp ilbaşı saylawlarına kandidat itep kürsätelgännän birle berniçä tapqır höcümgä duçar buldı. Sonğı tapqır uzğan ayda Austin Mikel Kley isemle ber keşe yoldızğa qazu cihazı belän zarar birgän ide.