Likiyanıñ 3 meñ yıllıq xätere - borınğı şähär Letoon

Berläşkän Millätlär oyışmasınıñ YUNESKO dön’ya mirası isemlegendä urın alğan “Likya mädäniyäteneñ dini üzäge” sanaluçı Letoon antik şähäre 3 meñ yıllıq ütkäne belän tarixta yaqtı êz qaldırdı. Ul Muğlanıñ Säydikämär rayonında urnaşqan. Antik şähär tabınu arxitekturasınıñ iñ izge qorılmalarına iyä. Anda Leto, Apollon, Artemidağa ğıybadät qılu urınnarı häm Rim teatrı bar.

1988nçe yıldan başlap tarixi cirlek YUNESKO tarafınnan saqlana. Başkent universitetı Letoon arxeologik tikşerenü proyektı häm qazu êşläre citäkçese professor Säma Atik Korkmaz beldergänçä, BMOnıñ dön’ya mirası kileşüe 1972nçe yılda ğamälgä kergän häm Törkiyä aña imza quyğan berençe 10 däwlät arasında bulğan. “Letoon barlıq keşelekneñ urtaq qıymmäte bulğan universal’ ob’yektlarğa iyä. Ul böten Likya töbägeneñ arxivı, xätere. Barlıq şähärlärneñ urtaq tabınu alanı. Şul uq waqıtta qararlar çığarıluçı urın. Kürşe şähärlärdä berär añlaşılmawçanlıq çişelsä, çığarılğan qararlar monnan iğ’lan itelgän,”-dide ğalim. Ul dön’yada siräk oçrawçı 3 telle yazularnıñ da Letoonda saqlanuın belderde. Annan çornıñ idarä häm poliśiya xezmäte tözeleşe añlaşılğan.