"Ayla" fil'mın Kön’yaq Koreya xökümäte räise qaradı

Kön’yaq Koreya xökümäte räise Li Nak-Yon barlıq watandaşlarına “Ayla” filmın qararğa kiräklegen söyläde. Älege kartina Koreyada başlanıp Törkiyädä däwam itkän çın tormış xikäyäsen çağıldıra. Bu könnärdä anı Kön’yaq Koreyanıñ 320 kinoteatrında tamaşa qılalar. Fil’mnı ilneñ xökümät räise dä qaradı. Soñınnan ul: “Küz yäş’läremne totıp tora almıym. Ğacäyep häm ilham birüçe tormış. “Ayla”nı barlıq koreyalı watandaşlarıbız qararğa tiyeş,”-dide.

Can Ulkay rejissyerlığında töşerelgän fil’mda törek sänğat’kärläre genä tügel, Gollivud häm Koreya aktyerları da uynıy. Êkran äsäre Koreya suğışı waqıtında 5 yäşendäge Ayla isemle yätim qıznı oçratıp, anı tärbiyägä alğan keçe ofiśer Söläymän Dilbirligineñ tormış xikäyäsen kürsätä.