Justinianus küpere YUNESKO isemlegendä

Sakaryanıň iň êlekke tarixi äsärlärennän Justinianus küpere YUNESKOnıň Dönya mirası waqıtlıça isemlegenä kerde.

Törkiyädän 78 äsär urın alğan YUNESKO Dönya mirası waqıtlıça isemlegenä Justinianus küpereneň dä kerüe öçen küptännän tırışlıq quyuların beldergän Serdivan şähär xaqimiyäte başlığı Yusuf Alämdar: “Bu iskitkeç qorılmağa layıq bulğan qimmätne qabat birü öçen ber yaqtan kereşülär başqardıq, ikençe yaqtan 1500 yıllıq tarixi säfär xikäyäse turında dokumental’ fil’m töşerep, mondağı ruxi qimmätne bar dönyağa aňlatırğa tırıştıq. Şaqtıy tarixi waqiğağa şahit bulğan Justinianus küperen qabat keşelek öçen qazandırıp, kiläse näsellärebezgä qaldırırğa telibez. Monıň êtaplarınnan berse bulğan waqıtlıça isemlekkä kerü belän dä maqsatıbızğa ber adım yasadıq,” – dide.

Alämdar küperneň bar keşelekneň urtaq mirası bularaq qabul iteläçägeneň şatlandıruın da assızıqladı.