Qıtayda robot diktor bulaçaq

Qıtaynıñ ber telekanalında yasalma zihenle robot tapşıru alıp bara başlayaçaq. Anıñ 6nçı iyün’dä xäbär kanalında tamaşaçılar qarşına çığuı kötelä. Robotqa “keçkenä aq tänle” iseme birelgän. Anıñ buyı 1 metr 21 santimetr, awırlığı – 29 kilogramm. Yasalma zihenle alıp baruçı yaña matbuğat temalı tapşıruda êşläyäçäk. Robot söyläşep kenä qalmıy, bii dä. 12 säğat’kä qadär tuqtawsız êşli ala. Şunnan soñ anı 4 säğat’ tok yöklämä cihazına totaştırıp torırğa kiräk.

Qıtay däwlät şurası yasalma zihen industriyäseneñ kütäreleşkä yaña êtärgeç birüçe köç bulaçağın beldergän ide. İl älege tarmaqta 2020nçe yılğa qadär ähämiyätle yañarış üzäge xälenä kilergä häm 2030nçı yıldan bu êştä dön’yanıñ liderı bulırğa maqsat quydı.