Altın Pal’ma bülӓge tapşırıldı

71nçese oyıştırılğan Kann fil’m festivalendӓ Altın pal’ma bülӓgen yapon rejissyerı Hirokazu Kore-edanıñ “Manbiki Kazoku”, yӓgni “Ber ğailӓ êşe” isemle fil’mı aldı.

Fransiyaneñ Kann şӓhӓrendӓ 9 may könne başlanğan festivalneñ yomğaqlaw çarası hӓm bülӓk tapşıru tantanası Festival’ sarayında oyıştırıldı.

Çarada “İñ yaxşı aktrisa bülӓge “Ayka” filmendӓge role öçen Samal Yeslyamovağa birelde, “İñ yaxşı aktyer bülӓge”nӓ “Dogman” filmendӓge töp role öçen italiyan uyınçı Marsello Fonte layıq buldı.

Bülӓk tapşıru tantanasında sӓxnӓgӓ çıqqan italiyan aktrisa Asia Argento 1997 yılda Amerikan rejissyerı Harvey Weinstein tarafınnan festival’ waqıtında köçlӓnüen ӓytep: “Arabızda xatın-qızlarğa qarata yӓm’sez totış kürsӓtüçelӓr bar hӓm kem ikӓnnӓren belӓbez. Monıñ cӓzasız qalmawına röxsӓt birmӓyӓçӓkbez,” – dide.