Törki dönya ädäbiyat jurnalları kongressı

TÜRKSOY Xalıqara törki mädäniyät oyışması häm Awraziya yazuçılar berlege tarafınnan bıyıl 9nçısı oyıştırılğan çarada Azärbaycan, Başqortstan, Dağıstan, Gagauziya, Qaraçay-Balkar, Qazaqstan, Qırğızstan, Qırım, Kosova, Makedoniya, Ğiraq (Ğıyraq), İran, Tön'yaq Kipr Törek Cömhüriyäte, Üzbäkstan, Tatarstan häm Törkiyädä çığıp kilüçe 17 ädäbiyat jurnalınıñ 28 möxärrire qatnaşa.

Awraziya yazuçılar berlegennän yasalğan yazma belderügä kürä, kongressta Kastamonu vilayäte başlığı Yaşar Qaradäniz, TÜRKSOY Ğomum särkätibe Düsen Kaseinov, Kastamonu şähär xakimiyäte başlığı Tahsin Babaş, Tön'yaq Kipr Törek Cömhüriyäte parlamentınıñ êlekke başlığı İsmail Bozkurt, Azärbaycan Yazuçılar berlege başlığı Anar Rzayev, Qazaqstan Yazuçılar berlege başlığı Ulugbäg Äsdäwlät häm Awraziya yazuçılar berlege başlığı Yakup Ömäroğlu da qatnaşa.

TİKA Törki xezmättäşlek häm koordinaśiya agentlığı da bulışlıq itkän çara TÜRKSOY tarafından 2018nçe yılda Törki dönya mädäniyät başqalası bulıp saylanğan Kastamonuda berençe tapqır ütkärelä.

Berençese 2007nçe yılda İstanbulda uzğan Törki dönya ädäbiyat jurnalları kongressı soñınnan 2 märtäbä Törkiyä başqalası Änkara belän ber rättän Tön'yaq Kipr Törek Cömhüriyäte başqalası Läfkoşada, Qazaqstan başqalası Astanada, Törkiyäneñ İskeşähär qalasında, Tatarstan başqalası Qazanda häm Qazaqstannıñ Törkistan şähärendä cıyıldı.

Kongress üz êşen 19nçı aprel’dä tögälläyäçäk.