“Yäş’ tärcemäçelär yarışı - 2018”

Awrupa Berlege êşläre ministrlığında 8nçe tapqır oyıştırılğan “Yäş’ tärcemäçelär yarışı - 2018”neñ sertifikat birü tantanası ütte. Anda inglizçä, nemeśça häm franśuzça belüçe barlığı 140 student qatnaştı. Büläkläw tantanası Änkarada uzdı. Çarada ministr urınbasarı Sälim Yänäl dä bar ide. Ul tärcemäçelekneñ ähämiyätlelegenä basım yasadı. “Keşelär, illär häm cämğıyät’lär arasındağı berdämlek, bergälek häm anlayışnı tormışqa aşıruçılar – tärcemäçelär”,-dide ul. Yänäl tärcemä çaralarınıñ Törkiyä belän Awrupa Berlege mönäsäbätlärendä möhim rol’ uynawın häm bik tögäl yasaluı kiräklegen assızıqladı.  “Keçkenä genä ber üzgäreş yäisä yalğış añlaşuda zur awırlıqlarğa kiterergä mömkin”,-dip belderde ul.  Sälim Yänäl büläklänüçelärgä möräcäğat’ itep: “Telne añlaw ğına citmi, ul teldä söyläşüçe cämäğat’çelekneñ aqıl söreşen añlaw, närsä añlatırğa teläwlären belü kiräk”,-dip östäde. Ministr urınbasarı beldergänçä, tärcemäçelärneñ kiläçäge yaqtı, çönki Törkiyä zuraya, ofıqları kiñäyä. İq’tisadıy xezmättäşlek häm üseş oyışması, BMO, Awrupa şurası, Bötendön’ya säwdä oyışması kebek bik küp oyışmalarda tärcemä çaraları bar häm bulaçaq.

Ministr urınbasarı Sälim Yänäl, çığışınnan soñ, yarışta ciñüçelärgä sertifikatlar tapşırdı. Alar arasınnan 12 student 7nçe-10nçı mayda Awrupa berlegeneñ Brüssel’däge tärcemäçelär bülemenä êş säyäxätenä baraçaq.