İzmir studentları filmı Kann festivalendä qatnaşa
Ul böten dön’yadan kilgän yaqınça 1500 film arasınnan saylandı
İzmir İq’tisad universitetı studentları töşergän fil’m Franśiyada Kann kinofestivalendä Törkiyäne taq’dim itä. Ul qısqa filmnar qısasında konkursqa çığaçaq. "Stranded" iseme birelgän äsär 4 studentnıñ icat cimeşe häm ul böten dön’yadan kilgän yaqınça 1500 film arasınnan saylandı.
Filmnıñ rejissyorı Onur Ärduraq anıñ qısqaça êçtälegen bolay anlata: “Film xıyalıy kiläçäktä “Sez öyläregezdä iminlektä” dip xalıqnı tışqa çığudan tıyğan häm alarnı nıqlı kontrol’ astında totqan xökümatkä qarşılıq kürsätüçe keşe turında. Bu kinotasma - “yalğan citärlek qadär söylänsä – ışanabızmı” sorawına cawap”. Film 8 minutlıq.
Festival’ 14nçe-19nçı mayda ütäçäk. Bıyıl bu çara 71nçe tapqır oyıştırılaçaq.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı