Rusiyäneň Änkaradağı tulı wäqalätle ilçese Aleksey Yerxov wazıyfasına kereşkännän soň täwge säfären Antaliyağa yasadı.

Antaliya vilayät’ idaräse başlığı Münir Karaloğlu ilçeneň säfäre waqıtında yasağan belderüendä sentyabr’ ayın da kertep bıyıl Antaliyağa kilgän turist sanınıň 3 million 376 meňgä citüen belderde.

Karaloğlu:” 2014 nçe yılda bu kürsätkeç 3 million 307 meň ide,rekord quyıldı”,-dide.

Vilayät’ idaräse başlığı Törkiyä belän Rusiya arasındağı säyäsi, säwdä häm iq’tisadi mönäsäbätlärneň  yuğarı däräcädä buluın häm ike il liderı äydäp baruçanlığında däwam itüen citkerde.

Karaloğlu:”Oktyabr’ häm noyabr’ aylarında Antaliyağa säyäxätlär däwam itäçäk ,bu kürsätkeç tağın da üsäçäk.Şulay uq Antaliyada toraq satıp alıp biredä yäşäwçe küp sanda Rusiya watandaşı bar. Bez monıň öçen bik şat”,-dide.