İvanka Trampnıň yaňa kitabı dönya kürgän

Amerika Quşma Ştatları ilbaşı Donal’d Trampnıň qızı häm kiňäşçese İvanka Trampnıň êşläwçe xatın-qızlarğa kiňäş - täq’dimnärne üz êçenä alğan yaňa kitabı satuğa çıqqan.

İvanka Trampnıň  "Women Who Work: Rewriting the Rules for Success” isemle kitabı 2 nçe maydan başlap ildäge kitap kibetlärenä taratılğan.

Kitabında ätisennän öyrängännären dä uquçılar belän urtaqlaşqan İvanka Tramp êş tormışında ğailäneň ähämiyätenä basım yasıy ,kar’yera belän bäyle kiňäşlär birä.

Tramp şulay uq êşläwçe xatın-qızlarğa stressnı ciňü häm êştä uňışqa ireşüneň serlären dä aňlata.

İvanka Tramp 2009 nçı yılda da “Tramp kartı: tormışta häm êştä qazanu uyını” isemle kitap çığarğan bula.