Tanılğan skripkaçı yäşlärne uqıtaçaq

Bar dönyağa tanılğan skripkaçı Sergey Kravçenko Antaliyada Master Klass proyektı belän yäşlärgä däres biräçäk.

Antaliyadağı Aspendos borınğı teatrında 2006nçı yılda quyğan konśerttan soñ Antaliyane ğacäpkä qaldırğan häm 2010dä fatir satıp alıp, yalların monda uzdırğan tanılğan sänğatçe Sergey Kravçenko bu tapqır täcribälären törek uquçıları belän urtaqlaşaçaq.

Törle illärdä quyğan konśertlarnıñ bersendä dä Aspendostağı qadär täêsirlänmäwen açıqlağan Kravçenko: “Dönyanıñ bernindi urınında da mondıy matur akustika yuq. Ayıruça Antaliyağa häm Aspendoska ğaşiq buldım,” – digän.

Kravçenko Antaliyaneñ üze öçen ayırmalı urın buluın, balaçağı uzğan häm tuğan cire bulğan Odessa şähäreneñ diñgeze belän tawların xäterlätüen citkerep, bu cirlärne bik yaratuın beldergän.