İñ täêsirle fotosürätlär
Keçkenä Aylannıñ räseme - “barlıq zamanalarnıñ iñ täêsirle 100 fotoräsemennän berse”
2015nçe yılnıñ sentyabr ayında Urta diñgez aşa Awrupağa barğanda batıp ülgän häm Bodrum yar buylarına su ağımı belän kilep citkän Süriyäle bala Aylan Kurdineñ fotoxäbärçe Nilüfär Dämir tarafınnan törşerelgän fotoräseme “barlıq zamanalarnıñ iñ täêsirle 100 fotosürätennän berse” bulıp saylanğan.
Tanılğan “Time” jurnalı möxärrirläre Aylan Kurdi fotoräsemen täqdir itüdä ul waqıttağı Angliya premyer-ministrı Devid Kameronnıñ “Min äti keşe bularaq Törkiyä yar buyındağı ul küreneştän bik täêsirländem” açıqlawına urın birgän.
“Time”nıñ xäbärçeläre dä bu räsemnärne fotoğa töşerüçelär belän, räsemgä töşkän keşelär, ğailäläre häm dus-işläre belän küreşep, här fotoräsem öçen yazu äzerlägän.
“Time” jurnalı bilgelägän “iñ täêsirle 100 fotosürät” êçendä Argentinalı inqilapçı Çe Guevaranıñ yöze, Amerikan astronavt Neil Armstrongnıñ ayda yörüe, Demi Murnıñ 1991nçe yılda 7 aylıq awırlı çaqta şärä kileş töşkän räseme, Qıtayda tanklar aldında toruçı adäm, Vyetnamda napalmnan yaralanğan qız-bala, Amerikan ğaskäriläreneñ ut açuı näticäsendä Ğiraqlı keçkenä qız-balanıñ qan êçendä yatuı, Amerika Quşma Ştatları däwlät başlığı Djon F. Kennedineñ atıp üterelü mizgele, ingliz muzıka törkeme “The Beatles”nı 1964nçe yılda Heri Benson töşergän räseme dä urın alğan.
