Rusiya jurnalistları TRTgä kilde

”Fätullahçı terror oyışması/parallel’ däwlät qorılışı”nıñ 15 nçe iyül’däge tüntäreleş kereşüeneñ êzlären waqiğa urınında kürü öçen Rusiya Federaśiyäsennän 12 jurnalist Törkiyägä kilde.

Matbuğat informaśiya ğomum mödirlege çaqıruı belän Törkiyägä kilgän wäkillekneñ berençe tuqtalışı 15 nçe iyül’ tönendä tüntäreleşçelär maqsatındağı Törkiyä teleradiokompaniyäse TRT buldı.

Qunaq jurnalistlar xezmätkärlär totıq itep alınğan , qanunsız räweştä belderge uqıtılğan 15 nçe iyül’ Millät studiyäsen qaradı.

Jurnalistlarğa tüntäreleş kereşüe tönendäge waqiğalar añlatıldı.

Rusiya jurnalistları  Törkiyä teleradiokompaniyäse belän berrättän çit illärdäge töreklär häm tuğandaş cämğiyätlär räislegenä dä bardı.

Wäkillek  15 nçe iyül’ ğazıyları belän dä küreşte.

Qunaqlar biredä tüntäreleş tönendä närsälär buluın tağın ber tapqır şahitlärdän tıñladı.

Jurnalistlar tüntäreleş töne êzlären üz küzläre belän kürü mömkinlegenä iyä buluların häm ayıruça Törkiyä Böyek Millät Mäclese binasınıñ bombalanğan urınnarın qarawların häm bolarnıñ üzlärenä nıq yoğıntı yasawın citkerde.

Tüntäreleşkä qarşı xalıqnıñ ayawsız köräşenä xäyran qaluların beldergän jurnalistlar üzläre küreşkän häm xikäyälären tıñlağan keşelärneñ qaharman bulularına ışanuların belderde.