Cämilä İstanbulda konśert quydı

Yevrovideniye cır bäygesendä “1944” isemle cırı belän berençe bulğan Qırım tatar cırçısı Cämilä İstanbulda konśert quydı.

Konśertta inglizçä häm törekçä cırlar başqarğan Cämilä “Anawatan” cırın cırlağançı: “Bez tuğan yağıbızdan çittä yäşäwneñ närsä ikänen beläbez, watanıbızdan yıraqqa, sörgengä cibäreldek, läkin härwaqıt şunı beläbez, sıyınaçaq ana watanıbız bar. Watan öçen ülgän barlıq şähitlärne xörmät belän iskä alam,” – dide.

Tamaşaçılar “1944” isemle cır yañğırağanda Törkiyä häm Qırım bayraqların kütärde.

Cämilä: “Xäzer isä säxnägä tormış häm watannı yarattırğan ätiyemne çaqıram,” – diyep, ätise Alim Jamaladinovnı säxnägä çaqırdı.

Ätise akkordeonda uynadı, cırçı “Mäni Gamdan azat ät” cırın başqardı.

Cämilä konśertta törekçä “Sevdalıyım”, “Yakma beni”, “Dertliyim kederliyim”, “Ah Yandım”, “Yarim yârim”, “Penceresi yeşil boya” cırların cırladı.