Rimda törek çäye kürgäzmäse

İtaliya başqalası Rimda Törkiyäneñ Vatikan ilçelege yärdäme belän törek çäyen tarixı belän bergä tanıtuçı kürgäzmä açılğan.

İtalyannar törek qahwäse qadär törek çäyenä dä qızıqsınu kürsätkän.

Yaqınça meñ äyberdän toruçı kürgäzmäneñ açılışında küp keşe qatnaşqan.

İtaliyan eş, sänğat, säyasät, diplomatiya dönyasınnan qunaqlar häm törek çäyen yaratuçılar gizgän kürgäzmägä kilgän Törkiyäneñ Vatikandağı ilçese Mäxmät Paçacı mäs’älä belän bäyle bularaq: “Töreklärneñ çäy belän tanışuın añlatuçı bik matur kürgäzmä. Monıñ Rimda açıluı bezne tanıtu cähatennän dä bik yaxşı. Törkiyäneñ mondıy tanıtularğa ixtıyacı bar,” – dide.

Kürgäzmäne oyıştırğan New East waqıfı başlığı Atılgan Bayar da “Törek dönyasınıñ çäy mädäniyäte” isemle kürgäzmäse belän Rimda 10nçı çaraların çınğa aşıruların äytte.

Kürgäzmäläreneñ zur qızıqsınu kürüen beldergän Bayar Ğosmanlı çorındağı Bosniya häm Kütahya çäy servizları belän ber rättän şaqtıy qızıqlı äyberneñ urın aluın belderde.

Rimda açılğan törek çäye kürgäzmäse ber ay baraçaq.