Xalıqara Xäläl turizm konferentsiyase
Älege çara Konyada uza.
Konyada “Xalıqara xäläl turizm konferentsiyase” oyıştırıla.
Ğaräp Turizm Berlege häm Konya Şähär xaqimiyäte tarafınnan oyıştırıluçı konferentsiyadä xäläl qunaqxanä tarmağı, İslami finanslawçı häm investitsiya mömkinlekläre, xac häm ümrä, xäläl lizentsiyase kebek mäs’älälär qarala.
Çarada Mädäniyät häm Turizm ministrı Mahir Ünal, Ğaräp Turizm Oyışması başlığı, Yämänneñ Mädäniyät häm Turizm ministrı da qatnaşqan.
Konferentsiyadä uzğan yılnı dönyadağı turizm keremnäreneñ 1 trillion yarım dollar buluın äytkän Ünal: “Bu san dönyadağı milli tulayım tabışnıñ 10%lı öleşen täşqil itä. İlebez 2023 turizm strategiyasendä küzdä totılğan qısada monnan 50 milliard dolarlık öleş alunı häm 50 million turistnı maqsat itä, “- dide.
Dönyadağı xäläl turizm tabışınıñ isä 200 milliard dollarğa citäçäge çamalana.
İsläm illärennän Törkiyägä kilüçe turist sanındağı artışqa da iğtibar cälep itkän Ünal: “İlebezgä möselman illärennän 2015nçe yılda 7,6 million turist kilde. Aldağı yılğa kürä 30%lık artış küzätelä,” – dide.
Konferentsiyaseñ aş mäclesendä Tışqı eşlär ministrı Mäwlüt Çavuşoğlu da qatnaştı.
Çavuşoğlu Ğaräp Turizm Oyışması başlığı belän oyışmanıñ Törkiyädä wäkillek açuı öçen kileşü imzaladı.
Konferentsiya 5nçe may könenä qadär baraçaq.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı