600 yıllıq Täwrat tabıldı

Kontrabanda belän köräş bülege törkemnäre kit tiresenä yazılğan yaqınça 600 yıllıq Täwratnı ber internet säxifäsendä 5 million dollarüa satırğa telägän Süriyäle şäxesne taptı.

Politsiya törkemnäre kliyent kebek Süriyäle satuçı adokat Osama Ali Taha belän elemtä qordı.

Politsiya äsärne kürergä teläwären citkergäç, Osama Ali Taha yaqınça 600 yıllıq Täwrat fotoräsemen häm videoyazmaların politsiya törkemnärenä cibärep, 5 million dollar soradı.

Politsiya törkemnäre bäyägä rizalaşıp, Osama Ali Taha belän Soltanäxmät bistäsendäge ber qunaqxanädä oçraşıp, anı qulğa aldı.

Osman Ali Taha sälamätlek kontrolennän uzdırılğanan soñ soraw alu öçen Watan prospektında urnaşqan Kontrabanda belän köräş bülege mödirlegenä alıp barıldı.

Ğayeplänüçe iminlektäge berençe açıqlawında yaqınça 600 yıllıq Täwratnıñ ğailäseneke buluın äytep, Süriyädän Törkiyägä qanunsız räweştä kiterüen belderde.

Topkapı sarayı muzeyı xezmätkärläre tarixi Täwratnı tikşerep, original’ buluın rasladı.