Sinagoga mäçetkä äylänäçäk
Sinagoganıñ 400 meñ yevroğa satıp alınuı çamalana
Frantsiyadä ber sinagoga mäçetkä äyländereläçäk.
Frantsuz mediası Marsilyanıñ üzägendä urnaşqan Or Thora sinagogasınıñ möselman cämğiyäte tarafınnan satıp alınuın häm sinagoganıñ mäçetkä äylänäçägen citkergän.
Könyaq Frantsiyadä basıluçı “La Provence” gazetı ozaq waqıt satılmawçı sinagoganıñ Al Badr mädäniyät üzäge tarafınnan alınuın yazğan.
Sinagoga urnaşqan uramda mäçetneñ keçkenä buluı, ayıruça comğa namazlarında keşelärneñ uramda qaluı citkerelgän.
Tögäl bilgele bulmasa da, sinagoganıñ 400 meñ yevroğa satıp alınuı çamalana.
Marsiyalı möselmannar haman da 2001nçe yılğı saylaw kampaniyase qısalarında süze birelgän 23 million yevro sarıf iteläçäk Böyek Cämiğ proyektınıñ çınğa aşırıluın kötä.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä
